Ymlaen: Interniaeth y Senedd i raddedigion o Gefndir Du, Asiaidd, ac Ethnig Leiafrifol

Ymlaen:  Interniaeth y Senedd i raddedigion o Gefndir Du, Asiaidd, a Lleiafrifoedd Ethnig

Mae Comisiwn y Senedd (y Senedd), mewn partneriaeth â Chymrodoriaeth Windsor, wedi lansio rhaglen interniaeth newydd, sy’n cynnig pedwar cyfle i unigolion o gefndir Du, Asiaidd neu Ethnig Leiafrifol.

Mae’r Senedd wedi ymrwymo i ddenu talent o ystod eang o gefndiroedd ac mae’n cydnabod gwerth adlewyrchu amrywiaeth poblogaeth Cymru.

Mae’r rhaglen interniaeth yn ffordd wych o ennill profiad gwaith â thâl mewn amgylchedd cyffrous ac unigryw sydd wrth wraidd democratiaeth Cymru.

Yr interniaeth

Rydym yn cynnig interniaeth hyfforddiant â thâl am 12 mis i bedwar o raddedigion o gefndir Du, Asiaidd neu Ethnig Leiafrifol. Gallwch ddewis ymgeisio am leoliadau mewn gwahanol feysydd o fewn y sefydliad.

Er nad yw’r rhaglen interniaeth yn cynnig nac yn gwarantu rôl barhaol ar ddiwedd y cyfnod o 12 mis, y nod yw i chi ddatblygu’r sgiliau ac ennill y profiad sy’n ofynnol ar gyfer rôl o fewn Comisiwn y Senedd neu swydd rywle arall.

Mae hyfforddiant yn y Senedd yn golygu y byddwch chi wrth wraidd gwleidyddiaeth Cymru, gan ddatblygu eich sgiliau a’ch gwybodaeth am y ffordd orau o lywio a chynorthwyo gweithle prysur a chyffrous lle mae deddfau Cymru yn cael eu llunio. Mae’r interniaeth yn gyfle ardderchog sydd wedi’i gynllunio i roi’r ddealltwriaeth a’r gallu i chi ddatblygu mewn sefydliad amrywiol a chynhwysol.

Eich Datblygiad

• Cymorth Cymrodoriaeth Windsor – bydd ein partneriaid, Cymrodoriaeth Windsor, yn rhoi cymorth cyfweliad a bugeiliol i chi o’r pwynt ymgeisio.
• Mentora – Manteisiwch ar hyfforddiant, mentora ac arweiniad parhaus gan weithwyr profiadol y Senedd.
• Meithrin sgiliau – Gallwch feithrin sgiliau technegol, proffesiynol ac arweinyddiaeth allweddol drwy gyfleoedd hyfforddi a datblygu.
• Datblygu gyrfa – Gallwch ddod ar draws gweithgareddau datblygu gyrfa i helpu i baratoi ar gyfer gyrfaoedd ar ôl graddio.

Pwy all wneud cais?

I fod yn gymwys ar gyfer yr interniaeth, rhaid i chi fodloni’r meini prawf hyn:

• Mae gennych yr hawl i weithio yn y DU heb gyfyngiadau. Sylwch nad yw’r Senedd yn noddi fisâu gwaith
•  Rydych chi’n byw yng Nghymru
• Rydych o gefndir Du, Asiaidd neu Ethnig Leiafrifol
•  Rydych yn breswylydd yn y DU neu Iwerddon ers o leiaf dair blynedd (mae hwn yn ofyniad i ymgymryd â Fetio Diogelwch Cenedlaethol)
•  Rydych wedi ennill gradd prifysgol erbyn i’r cynllun ddechrau
• Rydych ar gael i gymryd rhan yn yr Interniaeth o fis Medi 2026 i fis Medi 2027

Rolau a Disgrifiadau Swydd      

Darllenwch y manylebau yn llawn a sicrhewch fod eich cais yn trafod y sgiliau sy’n ofynnol.

• Adnoddau Dynol – Cynllunio’r Gweithlu
• Y Gwasanaeth Cymorth i’r Comisiwn ac i’r Aelodau – Cymorth Busnes i’r Aelodau a Dysgu ac Ymgysylltu â’r Aelodau
• Llywodraethu a Sicrwydd – Llywodraethu a Chynllunio Strategol
• Gwasanaethau Rheoli Cyfleusterau ac Ystadau – Cynaliadwyedd

Cwestiynau Cyffredin    

Sut i wneud cais

Cwblhewch y ffurflen gais YMA    

Dyddiad cau ar gyfer ceisiadau yw 18 Mai 2026 am 11.59pm

DS: Os ydych yn gwneud cais am fwy nag un rôl, cwblhewch geisiadau ar wahân ar gyfer pob un o’r rolau yr hoffech wneud cais amdanynt.

Y broses o wneud cais:

Sesiwn wybodaeth rithwir – dydd Iau 30 Ebrill 2026 am 6.30pm tan 7.30pm   

Bydd y sesiwn gipolwg hon yn cael ei chynnal i ymgysylltu â chymunedau a chodi ymwybyddiaeth am Ymlaen – rhaglen Interniaeth y Senedd. Bydd y sesiwn yn caniatáu i gyfranogwyr ddarganfod rhagor am y rhaglen a gweithio yn y Senedd.

Cofrestrwch i gymryd rhan YMA (drwy Teams).

Os oes gennych chi gwestiynau am y rhaglen, cysylltwch ag interniaethau@windsor-fellowship.org